• la literoj de Esperanto kaj multaj literoj de la Latina-1;
• literumilo surbaze de redakteblaj vortaroj, kies komenca enhavo superas 120000 vortojn;
• disadresado de leteroj kaj printado de etikedoj;
• importo kaj eksporto per diversaj tekstaj formatoj (RTF, Word) kaj prezentomanieroj de la literoj de Esperanto (Latina-3, x-stilo ktp);
• integrigo de grafikaĵoj.

Aliflanke, se oni bezonas dukolumnan tekston, paĝotitolojn, piednotan administrilon, aŭtomatan generadon de indekso ktp, oni ne trovos tiujn funkciojn en la debuta versio. Tamen Ĉapelilo povas kunlabori kun aliaj Vindozaj produktoj. Por kiu la aranĝofunkcioj de la unua versio de Ĉapelilo estas tro modestaj, tiu povas entajpi sian tekston Ĉapelile, ortografie kontroli ĝin Ĉapelile kaj poste eksporti la korektitan kaj elformulitan version al aranĝe pli povuma kompostilo kiel Pagemaker ktp aŭ al alia tekstotraktilo. La eksporto mem povas efektiviĝi rekte tra la Vindoza poŝo aŭ tra dosiero. Ankaŭ en la fremda ilo oni povas post la importo plu apliki la kunliveratajn TTF-tiparojn de Ĉapelilo.

La interna prezento de Ĉapelilo estas bazita sur la Latina-1, sed kun la sekvaj ŝanĝoj:

16	10	Lat-1	Lat-3	Ĉapelilo
80	128	nenio	nenio	o/
81	129	nenio	nenio	y´
8D	141	nenio	nenio	ae
8E	142	nenio	nenio	aa
8F	143	nenio	nenio	y´
90	144	nenio	nenio	o/
9D	157	nenio	nenio	ae
9E	158	nenio	nenio	aa
A6	166	|	Ĥ	|
AC	172	NE	Ĵ	NE
B6	182	|P	ĥ	|P
BC	188	14	ĵ	14
C5	197	aa	Ċ	Ĵ
C6	198	ae	Ĉ	Ĉ
D0	208	dh	nenio	Ĥ
D8	216	o/	Ĝ	Ĝ
DD	221	y´	Ŭ	Ŭ
DE	222	th	Ŝ	Ŝ
E5	229	aa	ċ	ĵ
E6	230	ae	ĉ	ĉ
F0	240	dh	nenio	ĥ
F8	248	o/	ĝ	ĝ
FD	253	y´	ŭ	ŭ
FE	254	th	ŝ	ŝ

--- do, la plimulto de la literoj de Esperanto situas en siaj kodlokoj laŭ la Latina-3, la esceptoj estas ĥ, Ĥ kaj ĵ, Ĵ.

La verkilojn produktis Germania familia firmao Professional Consulting kun sidejo proksime al Frankfurto-ĉe-Majno. La firmaestro estas konata kiel unu el la aŭtoroj de la populara revuo "Monato", PEJNO Simono --- plumnomo, malantaŭ kiu sin kaŝas la Angla komputilisto Simon Payne.

La enkonduka prezo estas 200 germanaj markoj plus ekspedo. La adreso: